СКОПЈЕ (АА) - Палестинските деца денес одржаа протест по повод Меѓународниот ден на лицата со попреченост во Деир ал-Балах, истакнувајќи го правото на безбедна и поддржувачка средина во услови на војна, јавува Анадолу.

На настанот беа поставени транспаренти кои ги нагласуваат правата на лицата со попреченост.

Според извештајот на СЗО, речиси 42.000 луѓе во Газа од 7 октомври 2023 година добиле повреди што им го промениле животот.

Секое четврто повредено лице е дете, а најмалку 5.000 луѓе имале ампутации. Забележани се и сериозни повреди на екстремитети, ‘рбет, мозок, како и тешки изгореници.

СЗО предупредува дека здравствениот систем во Газа е пред колапс – само 14 од 36 болници функционираат делумно, а помалку од третина од рехабилитациските услуги работат. Во Газа има само осум специјалисти кои можат да изработуваат протези, додека најмалку 42 рехабилитациски работници се убиени до септември 2024 година.

„Рехабилитацијата е клучна не само за закрепнување од трауми, туку и за лицата со хронични заболувања“, рече претставникот на СЗО, Ричард Пиперкорн, додавајќи дека раселувањето, недостигот од храна и психолошка поддршка ја влошуваат кризата.

Според Канцеларијата за медиуми во Газа, израелската Армија го прекршила прекинот на огнот околу 591 пат, при што се убиени 357 и ранeти 903 лица.

Од октомври 2023 година, израелските напади во Газа усмртија над 70.000 луѓе, најмногу жени и деца, а над 171.000 се повредени, оставајќи го Појасот Газа во урнатини.