РЕЈКЈАВИК (AA) – Моќна геомагнетна бура предизвика спектакуларна појава на полнарна светлина над Исланд вчера, осветлувајќи го ноќното небо со интензивни зелени и виолетови нијанси, јавува Анадолу.

Поларната светлина беше јасно видлива дури и од центарот на Рејкјавик, што е ретка појава за главниот град, додека боите се движеа низ небото во текот на ноќта.

Поларната светлина се појави и околу познатата катедрала „Халгримскиркја“, создавајќи впечатливи сцени во срцето на исландската престолнина и привлекувајќи големо внимание.

Жителите и туристите се собраа во центарот на градот за да го проследат реткиот небесен спектакл, кој ја осветли темнината и создаде незаборавна глетка над Рејкјавик.