ИСТАНБУЛ (АА) — Русија направи отстапки за сите пет еднострано анектирани украински региони за време на самитот на Алјаска во петокот, додека Соединетите Американски Држави (САД) се потенцијално подготвени да понудат директни безбедносни гаранции на Украина, изјави денес специјалниот претседателски претставник на САД за мировни мисии, Стив Виткоф, пренесува Анадолу.

„Тука има пет региони. Тоа секогаш, според нас, било суштината на договорот“, изјави Виткоф за Си-ен-ен, мислејќи на Крим, Донецк, Херсон, Луганск и Запорожје.

„Русите направија одредени отстапки на масата во однос на сите пет од тие региони“, рече тој.

Говорејќи одделно за Фокс њуз, Виткоф рече дека Вашингтон би можел да му обезбеди на Киев безбедносни гаранции во стилот на Член 5 надвор од рамките на НАТО.

„Соединетите Американски Држави се потенцијално подготвени да можат да дадат безбедносни гаранции според Член 5, но не од НАТО, туку директно од Соединетите Американски Држави и други европски земји“, рече тој.

Американскиот претседател Доналд Трамп и рускиот претседател Владимир Путин одржаа тричасовен состанок зад затворени врати во петокот, при што Путин истакна дека постигнале „разбирање“.

По состанокот, Трамп изјави за „Фокс њуз“ дека „биле договорени многу точки“, и дека остануваат само „една или две прилично значајни точки“ за решавање.

Украинскиот претседател Владимир Зеленски ќе се сретне со Трамп во Белата куќа утре (понеделник) за да разговараат за предлозите.