АНКАРА (АА) - Претседателот на Турција, Реџеп Таип Ердоган, оствари телефонски разговор со генералниот секретар на НАТО, Марк Руте, на барање на генералниот секретар, известува Анадолу.

Во соопштението што го објави Дирекција за комуникации на турското претседателство, Ердоган и Руте разговарале за најновите случувања во војната меѓу Украина и Русија, како и за регионални и глобални прашања.

Претседателот Ердоган рекол дека е постигнат напредок за постигнување траен прекин на огнот меѓу Украина и Русија во преговорите што се одржаа во Истанбул, иницирани од Турција, и смета дека е важно овој процес да овозможи и позитивен развој на настаните за хуманитарните прашања.

За време на телефонската средба, генералниот секретар на НАТО, Руте, дал оценка за моменталната ситуација во Украина пред самитот во Алјаска меѓу американскиот претседател Доналд Трамп и рускиот претседател Владимир Путин. Претседателот Ердоган истакнал дека Турција со внимание го следи состанокот во Алјаска.