наука и технологија

Елон Маск ќе произведува лего од карпи, за градби со реални димензии

Компанијата „Boring“ на пазарот ќе лансира камења во форма на лего, кои ќе бидат обликувани од карпи кои се отстрануваат од под земја, а според Маск, на тој начин „зградите и скулптурите можат да се градат во реални димензии“

Emre Aytekin   | 27.03.2018
Елон Маск ќе произведува лего од карпи, за градби со реални димензии

Ankara

АНКАРА (AA) - Американскиот претприемач Елон Маск изјави дека неговата компанија „Boring“ ќе произведува градежни камења слични на лего, кои можат да се обликуваат од карпите кои се отстрануваат од под земја при проекти за ископување на тунели, јавува Anadolu Agency (AA).

Во пораката на Твитер, Маск изјави дека компанијата „Boring“, која работи во проекти за ископување на тунели во сојузните американски држави Калифорнија и Мериленд, ќе лансира камења во форма на лего, кои ќе бидат обликувани од карпите што се копаат од под земја, и дека на тој начин „зградите и скулптурите можат да се градат во реални димензии“.

Маск во својот статус го истакна следното: „Новите лиценцирани производи на компанијата „Boring“ доаѓаат наскоро. Добиените карпи од ископувањето на тунелите се прицврстуваат едни на други... Тие можат да се користат за изградба на згради и скулптури во реални димензии. Од една страна се компатибилни за калифорниските сеизмички стандарди, тоа значи дека се многу цврсти, а од друга страна се карактеризираат со мала тежина бидејќи во средината имаат празнина како лонгеронот на авионското крило.“

Маск истакна дека првиот модел што ќе биде лансиран на пазарот би бил наречен „Древен Египет“ и дека пирамидите, Сфингата и Храмот на Хорус би можеле да бидат повторно изградени со делови од сетот.

Компанијата „Boring“ во моментов има два проекта за тунели во градовите Лос Анџелес и Балтимор.

Маск, кој произведуваше електрични возила „Tesla“, ракетни и вселенски возила со „SpaceX“, како и соларни енергетски решенија со „SolarX“, претходно на пазарот лансираше пламенофрлачи како лиценциран производ на компанијата „Boring“.


На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın