Изложбата „Istanbul Photo Awards 2025“ отворена во Анкара

Првата изложба од престижниот Меѓународен натпревар за фотографии „Istanbul Photo Awards 2025“, во организација на Анадолу од 2015 година, беше свечено отворена вчера во главниот град на Турција, Анкара, јавува Анадолу.

Изложбата е поставена во Концертната сала на Претседателскиот симфониски оркестар (CSO) „Ада Анкара“ и ги прикажува наградените фотографии од 29 фоторепортери, избрани на годинешниот конкурс.

Поставката нуди моќен визуелен приказ на клучните глобални настани, како што се постојаните напади на Израел врз Газа, катастрофалните поплави во Источна Африка, ерупцијата на вулкан во Исланд и подготовките на спортистите за Олимписките игри во Париз 2024.

Посетителите исто така можат да видат потресни фотографии кои ја документираат борбата на жените во Авганистан, преживеани од затворот „Седнаја“, сурфери во Бразил кои се борат со огромни бранови, како и опасните миграциски патувања.

Изложбата ќе биде отворена за посетители од 10 јуни до 20 јули 2025 година.

„Istanbul Photo Awards“, кој оваа година се одржува по 11-ти пат, додели награди во 10 категории. Победниците беа избрани од речиси 22.000 пријавени фотографи од целиот свет, што ја потврдува важноста во подем и меѓународниот углед на натпреварот, кој од своето основање привлече над 20.000 фотографи ширум светот.

Оваа година, натпреварот е поддржан од Турксел како комуникациски спонзор, Турската агенција за соработка и координација (ТИКА) како спонзор за меѓународните настани и Туркиш ерлајнс како официјален авиопревозник.

Повеќе информации за наградените фотографии и членовите на жирито може да се најдат на „istanbulphotoawards.com“.