زەنگی ساڵی نوێی خوێندن لە ھەولێر لێدرا
ـ لە ھەرێمی کوردستان یەکەم زەنگی ساڵی نوێی خوێندن لێدرا و لە قوتابخانەکاندا ساڵی نوێی خوێندنی ٢٠١٩ ـ ٢٠٢٠ دەستی پێکردەوە.
Arbil
ھەولێر ـ AA
ئەمڕۆ شەممە یەکەم رۆژی ساڵی نوێی خوێندنی ساڵی ٢٠١٩ ـ ٢٠٢٠ لە ھەرێمی کوردستان و لە قوتابخانەکاندا یەکەم زەنگی ساڵی نوێی خوێندن لێدرا و قوتابیان روویان لە پۆلەکانیان کردەوە ، لەھەولێر یەکەم لێدانی زەنگی کردنەوەی قوتابخانە لە سنووری بەڕێوەبەرایەتی پەروەردەی ناوەندی ھەولێر لە قوتابخانەی حەمدی بنەڕەتی تێکەڵاو بە ئامادەبوونی بەرپرسانی پەروەردە لە رێوڕەسمێکدا لێدرا.
ھاوکات لە زۆرینەی خوێندگە و قوتابخانەکانیش لەسەرتاسەری کوردستان, بە ئامادەبونی بەڕێوەبەر و مامۆستایان و خوێندکاران یەکەم زەنگی ساڵی نوێی خوێندن لێدرا.