کۆبوونەوەی مستەفا کازمی لەگەڵ فەرماندە ئەمنییەکان لە بەسرە

ھەولێر ــ AA

سەرۆکوەزیران و فەرماندەیی گشتیی ھێزە چەکدارەکانی عێراق، مستەفا کازمی سەردانی فەرماندەیی ئۆپەراسیۆنەکانی بەسرەی کرد و لە میانیدا لەگەڵ فەرماندە ئەمنییەکان کۆبوویەوە.

نووسینگەی راگەیاندنی سەرۆکوەزیرانی عێراق لە راگەیەندراوێکدا بڵاویکردەوە کە مستەفا کازمی لە کۆبوونەوەکەدا رایگەیاندووە "بەیانی ئەمڕۆ لە مەخموور بووین و پەیامێکی روونمان ئاراستەی تیرۆریستان کرد لەوەی ناتوانن یاریی بە ئاسایشی عێراق بکەن، ھەروەک یەک بە یەکی سەرکردەکانی تیرۆریستانمان لە چالاکی خست و گورزمان لە شانەکانیان وەشاندووە لە بیابان و چیاکان، بەھەمان شێوەیە لە ناوچەکانی عێراق لە بۆسەدا دەبین بۆ تیرۆریستان".

گوتیشی: "لێرەوە پێتان دەڵێم کە خوێنی یەکی عێراقیی سەربە ھەر نەتەوە و ئایینیەک بێت بە لای ئێمەوە زۆر بەنرخە و بە ھەموو ھێزێک بەرەوڕووی ئەو کەسانە دەبینەوە کە ھەڕەشە لە ئاسایشی عێراق دەکەن یان ھەوڵی تۆقاندنی عێراقییەکان دەدەن".

باس لەوەشکراوە کە سەرۆکوەزیران و فەرماندەیی گشتیی ھێزە چەکدارەکانی عێراق، مستەفا کازمی ئاماژەی بەوەیش داوە کە داعش ھەوڵی تۆقاندنی ھاووڵاتییان دەدات و لێرە کەسانێک ھەن ھەوڵی تۆقاندنی دەوڵەت دەدەن کە ھەردووکیان یەک دوژمن و گوتی: "تیرۆریستان ھەوڵدەدەن، ھەوڵەکانی دەوڵەت پەک بخەن لە جێبەجێکردنی ئەرکەکەی و سەرقاڵی بکەن بە گرژی و ئاڵۆزیی".

مستەفا کازمی راشیگەیاندووە کە تاوانی کوشتنی ئەفسەرانی ھێزە ئەمنییەکان، ناپاکییە و گوتی: "درێخی ناکەین لە رووبەڕووبوونەوەی تاوانباران و بە یاسا سزای عادیلانە دەدرێن".

بەپێی راگەیەندراوەکە سەرۆکوەزیرنی عێراق ھەروەھا گوتی: "ھەروەک بکوژانی ھیشام ھاشمی و ئەحمەد سەفامان دەستگیرکرد، بەھەمان شێوەیە یەک بە یەکی تاوانباران دەستگیر دەکەین و دەدرێن بە دادگایش".

مستەفا کازمی جەختی کردووەتەوە لەسەر ئەوەی، ئەو کەسەی وا بزانێت لەسەرووی دەوڵەت و یاسایە، ئەوا بەھەڵەدا چووە و بە ھێز بەرپەرچی دەدرێتەوە و گوتی: "بە تاوانبارانی تیرۆر و توندئاژۆکان دەڵێم، ھیچ داڵدەدانێکتان نییە و لە تۆڵەی خوێنی شەھیدانمان بەردەوامین لە دەستگیرکردنی تیرۆریستانی داعش و ھەروەھا بکوژان".