کوژرانی پێنج تیرۆریستی داعش لە باکووری عێراق

ھەولێر ــ AA

سوپای عێراق راگەیاند کە پێنج تیرۆریستی داعش لە پارێزگای سەڵاحەددین باکووری عێراق کوژراون.

لەمبارەیەوە شانەی راگەیاندنی ئەمنی سەربە ئۆپەراسیۆنە ھاوبەشەکانی عێراق لە راگەیەنراوێکدا بڵاویکردەوە، پێنج تیرۆریستی داعش کە کردەی تیرۆریستییان دژبە ھاووڵاتییان ئەنجامدابوو لە چیای مەکحول باکووری پارێزگای سەڵاحەددین بە ھەماھەنگیی لەگەڵ فەرماندەیی ئۆپەراسیۆنە ھاوبەشەکان لەلایەن فڕۆکە جەنگییەکانی ھاوپەیمانیی نێودەوڵەتی دژبە داعشەوە بۆردومانکراون.

لە راگەیەنراوەکەدا ئاماژە بەوەدراوە کە لە ئاکامی بۆردومانەکەدا، پێنج تیرۆریستەکەی داعش کوژراون.