ئەنجوومەنی وەزیران بڕیار لەبارەی مووچەوە دەدات

هەولێر - AA

ئەنجوومەنی وەزیرانی هەرێمی کوردستان بە سەرۆکایەتی مەسرور بارزانی و ئامادەبوونی جێگری سەرۆک وەزیران قوباد تاڵەبانی لە هەولێر کۆدەبێتەوە.

بەپێی راگەیەندراوێکی فەرمانگەی میدیا و زانیاری حکومەتی هەرێمی کوردستان لە کۆبوونەوەکەدا چوار تەوەر گفتوگۆی لەبارەوە دەکرێت و پرسی مووچە تەوەری یەکەمیانە.

بەپێی راگەیەندراوەکە لە کۆبوونەوەی ئەمڕۆدا تاوتوێی ئەم بابەتانە دەکرێت.

پرسی مووچە و پرۆژە یاسای بوودجەی ساڵی 2021 فیدراڵی عێراق.

پرۆژەی دیراسەكردن و رێكخستننەوەی رسومات كە لە بەرامبەر پێشكەشكردنی خزمەتگوزاری وەردەگیرێت.

دامەزراندن و تۆماركردنی كۆمپانیای نوێ لە بوارەكانی تەندروستی و دەرمان و پێداویستیی پزیشكی.

پرۆژەی تایبەت بە (دەرماڵەی لەبڕی پەككەوتەیی) لە چوارچێوەی یاسای چاكسازی لە مووچە و دەرماڵە و بەخشین و ئیمتیازەكان و خانەنشینی لە هەرێمی كوردستان.