مەسرور بارزانی سەردانی ئوردن دەکات

هەولێر - AA

سەرۆکی حکوومەتی ھەرێمی کوردستان سەردانی ئوردن دەکات و لەگەڵ شا عەبدوڵڵای دووەم کۆدەبێتەوە.

بەپێی ھەواڵێکی نووسینگەی راگەیاندنی سەرۆکی حکوومەتی ھەرێمی کوردستان، ئەمڕۆ یەکشەممە، سەرۆکی حکوومەتی ھەرێمی کوردستان مەسرور بارزانی بە سەرۆکایەتی شاندێکی حکوومی و بە بانگھێشتێکی فەرمی سەردانی ئوردن دەکات و لەگەڵ شای ئوردن، شا عەبدوڵڵای دووەم کۆدەبێتەوە و گفتوگۆ دەربارەی پەرەپێدانی پەیوەندییەکانی نێوان ھەرێمی کوردستان و ئوردن دەکەن.

بەپێی هەواڵەکەی نووسینگەی سەرۆکی حکوومەتی هەرێمی کوردستان، شاندی یاوەری سەرۆکی حکوومەت پێکهاتووە لە وەزیری ناوخۆ رێبەر ئەحمەد، وەزیری کاروباری شەهیدان و ئەنفالکراوان عەبدوڵڵا حاجی مەحموود و بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان، سەفین دزەیی.