هەولێر AA
بە بەشداری ژمارەیەکی زۆر لە هاووڵاتییان لە بەردەم قەڵای هەولێر و نێو بازاڕی گەورە یادی مەولوودی پێغەمبەر حەزرەتی محەمەد (د.خ) کرایەوە.
لە مەراسیمەکەدا کۆمەڵەی قورئانخوێنانی کوردستان بە گوتنەوەی سرودی ئایینی و موناجاتی ئیسلامی بەشداربوون، پیاوانی تەریقەتیش بە گوتنەوەی سرووتە ئایینەکان لە مەراسیمی یادی مەولوودا بەشداریان کرد و هاووڵاتییان و کاسبکاران و دوکاندارانیش بە بەخشینەوەی شیرینی یادی رۆژی لەدایکبوونی پێغەمبەر حەزرەتی محەمەد (د.خ)یان کردەوە.
بە بەشداری ژمارەیەکی زۆر لە هاووڵاتییان لە بەردەم قەڵای هەولێر و نێو بازاڕی گەورە یادی مەولوودی پێغەمبەر حەزرەتی محەمەد (د.خ) کرایەوە.لە مەراسیمەکەدا کۆمەڵەی قورئانخوێنانی کوردستان بە گوتنەوەی سرودی ئایینی و موناجاتی ئیسلامی بەشداربوون، پیاوانی تەریقەتیش بە گوتنەوەی سرووتە ئایینەکان لە مەراسیمی یادی مەولوودا بەشداریان کرد و هاووڵاتییان و کاسبکاران و دوکاندارانیش بە بەخشینەوەی شیرینی یادی رۆژی لەدایکبوونی پێغەمبەر حەزرەتی محەمەد (د.خ)یان کردەوە. ( Ahsan Mohammed Ahmed Ahmed - ئاژانسی ئانادۆڵو )
لە مەراسیمەکەدا هەروەها تیمی پراکلایدەری یانەی وەرزشی ئاسمانیی هەولێر بە ئاسمانی قەڵای هەولێر و سەر بازاڕی گەورەدا، نمایشێکی ئاسمانییان رێکخست و یادی رۆژی مەولوودیان کردەوە.
هەرچەندە بەپێی بڕیاری ژووری ئۆپەراسیۆنەکانی پارێزگای هەولێر بۆ ئەمساڵ بەهۆی بڵاوبوونەوەی ڤایرۆسی کۆرۆنا هیچ جۆرە مەراسیم و چالاکییەکی شیرینی بەخشینەوە و خوێندنی مەولوود و سازدانی ئاهەنگ و کۆبوونەوە و قەرەباڵغی قەدەغەبوو، بەڵام ئەمڕۆ لە هەولێر یادەکە کرایەوە و هاووڵاتییان پابەندی بڕیارەکە نەبوون.
رۆژی ١٩ی تشرینی یەکەم ژووری ئۆپەراسیۆنەکانی پارێزگای هەولێر راگەیەندراوێکی تایبەت بە گرتنەبەری رێکار و رێنمایی نوێی خۆپارێزی بڵاوکردەوە و تەئکیدی لەوەکردەوە کە بە پشتبەستن بە فەتوای لیژنەی باڵای فەتوا لە هەرێمی کوردستان، داوا لە هاووڵاتییانی سنووری پارێزگای هەولێر دەکەن، تەنها بە رازاندنەوە و دروشم و پیرۆزبایی ئەم یادە مەزنە بەرز رابگرن، هەموو جۆرە گردبوونە و کۆبوونەوەیەکی فراوان و رێوڕەسمی خوێندنەوەی مەولوود لە مزگەوت، تەکیە، ناو سەنتەری شار و ژێر قەڵات و شوێنە جیاجیاکان بەڕێوەناچێت و مەراسیمی تایبەت و بەخشینەوەی شیرینی و سازدانی ئاھەنگی خۆشی بەو بۆنەیەوە ناکرێت.
