لە عێراق دەستگیرکردنی چوار تیرۆریست و ٤٧ تۆمەتبار راگەیەندرا

ھەولێر ــ AA

شانەی راگەیاندنی ئەمنی سەربە نووسینگەی سەرۆکوەزیرانی عێراق دەستگیرکردنی چوار تیرۆریست و ٤٧ تۆمەتباری لە پارێزگاکانی نەینەوا، کەرکووک ، سەڵاحەددین، بەغدا، بەسرە، ئەنبار و میسان راگەیاند.

شانەی راگەیاندنی ئەمنی لە راگەیەندراوێکدا ئاماژەی بەوەداوە کە ھێزەکانی سەربە بەڕێوەبەرایەتی ھەواڵگریی سەربازیی زنجیرەیەک ئۆپەراسیۆنیان بە ئامانجی دەستگیرکردنی تیرۆریستان و تۆمەتباران لە پارێزگاکانی نەینەوا، کەرکووک، سەڵاحەددین، بەغدا، بەسرە، ئەنبار و میسان ئەنجامداوە.

راشیگەیاندووە کە لە میانی ئۆپەراسیۆنەکاندا، چوار تیرۆریست و ٤٧ تۆمەتبار دەستگیرکراون.

باسی لەوەش کردووە کە تیرۆریستە دەستگیرکراوەکان بەپێی مادەی چواری تیرۆر داواکراوبوون.

ئەوەیشی خستووەتەڕوو کە دەستگیرکراوەکان، رادەستی لایەنە پەیوەندیدارەکان کراون.