Rawan Subhi Obaiullah
29 نیسان 2025•نوێکردنەوە: 30 نیسان 2025
دھۆک - AA
لە گوندی بەڵاڤەی سنووری قەزای ئامێدی سەر بە پارێزگای دھۆک، درۆنێکی دیکەی بۆمبڕێژکراو خۆی بە خاڵێکی پێشمەرگەدا تەقاندەوە و بەھۆیەوە دوو پێشمەرگە بریندار بوون.
بە پێی زانیارییەکانی ئاژانسی ئانادۆڵو، ڕێکخراوی تیرۆریستی پەکەکە لە پشت تەقاندنی ئەم درۆنە بۆمبڕێژکرانەیە.
ئەمە لە کاتێکدایە کە دوێنێ دووشەممە، لە سنووری قەزای ئامێدی، درۆنێکی بۆمبڕێژکراو خۆی بە خاڵێکی پێشمەرگەدا تەقاندەوە و بەهۆیەوە سێ پێشمەرگە بریندار بوون.
پێشتریش لە ئەنجامی کەوتنەخوارەوەی درۆنێک لە ناحیەی دێرەلووک هاووڵاتییەکی سڤیلى ناحیەکە برینداربوو، ھەروەھا لەناوچەی ( گێرا چەلکێ) لە نزیک ناحیەی دێرەلووک درۆنێک لە ناو ھاووڵاتیانی سڤیل کەوتبوو خوارەوە، ترس و دڵەڕاوکێی لای دانیشتووانی ناوچەکە دروست کردبوو.
