Zana Natık Kerem
29 ئەیلوول 2020•نوێکردنەوە: 29 ئەیلوول 2020
بەغدا ــ AA
وەزارەتی تەندروستیی و ژینگەی عێراق رایگەیاند كە لە میانی 24 كاتژمێری رابردوودا، چوار هەزار و 724 كەس تووشی ڤایرۆسی كۆرۆنای نوێ (COVID-19)، بوون و 70 كەسیش بەهۆی ڤایرۆسەكەوە گیانیان لەدەستداوە.
وەزارەتی تەندروستیی و ژینگەی عێراق لە راگەیەندراوێكدا، دوایین ئاماری سەبارەت بە ژمارەی قوربانییانی ڤایرۆسی كۆرۆنا بڵاوكردەوە.
لە راگەیەندراوەكە ئاماژە بەوەدراوە كە لە میانی 24 كاتژمێری رابردوودا، 70 كەس بەهۆی ڤایرۆسی كۆرۆنا، گیانیان لەدەستداوە و چوار هەزار و 724 كەسیش تووشی ڤایرۆسەكە بوون.
باس لەوەشكراوە كە هەر لەو ماوەیەدا، چوار هەزار و 28 تووشبووی ڤایرۆسی كۆرۆنا، چاكبوونەتەوە.
بەپێی راگەیەندراوەكە، كۆی گشتیی تووشبووان بە ڤایرۆسی كۆرۆنا لە عێراق، گەیشتووەتە 358 هەزار و 290 كەس و لەو ژمارەیەش نۆ هەزار و 122 كەس گیانیان لەدەستداوە و 288 هەزار و 812ی دیكەیش چاكبوونەتەوە.
