عێراق
عێراق.. کەوتنەوەی ئاگر لە بەندەرێکی تایبەت بە ھەناردەکردنی نەوت
- ئاگر لە بەندەری بەسرە تایبەت بە ھەناردەکردنی نەوت کەوتەوە و بە هۆیەوە چوار کەس برینداربوون.
Zana Natık Kerem |
16.07.2019 - نوێکردنەوە : 17.07.2019
Iraq
بەغدا ــ AA
سەرچاوەیەکی ئەمنی عێراق رایگەیاند کە ئاگر لە بەندەری بەسرە تایبەت بە ھەناردەکردنی نەوت کەوتووە.
لای خۆیەوە دامەزراوەی نەوتی بەسرە ھەواڵەکەی پشتڕاستکردەوە و رایگەیاند کە بە ھۆی رووداوەکەوە، چوار کرێکار برینداربوون.
دامەزراوەکە ئاماژەی بەوەشداوە کە تواندراوە رێگە لە تەشەنەسەندنی ئاگرەکە بگیرێت و کۆنتڕۆڵکراوە.
ھاوکات سەرچاوەیەک لە ھێزی دەریاوانیی عێراق رایگەیاند کە ئاگرەکە لە شوێنی حەوانەوەی کرێکارەکان کەوتووەتەوە کە بە ھۆیەوە ژمارەیەکیان برینداربوون.
سەرچاوەکە ئاماژەی بەوەشدا کە بە ھۆی ئاگرکەوتنەوەکەوە وەزیری نەوت، سامر غەزبان گەیشتووەتە بەندەرەکە.
بەندەری پارێزگای بەسرە تاکە دەروازەی دەریاییە کە عێراق رۆژانە چوار میلۆن بەرمیل نەوتی لێوە ھەناردە دەکات.
