سەرکۆماری عێراق: "کریستیانەکان پێکهاتەی رەسەنی ئەم نیشتمانەن"

ھەولێر - AA

سەرکۆماری عێراق، بەرھەم ساڵح رایگەیاند، کریستیانەکان پێکھاتەی رەسەنی ئەم نیشتمانەن، و پێکەوە بەرگریی لە بەھاکانی ئاشتی و پێکەوەژیان و ئاوەدانی دەکەین.

بەرھەم ساڵح بەبۆنەی جەژنی لەدایکبوونی حەزرەتی مەسێح، لە ھەژماری تایبەتی خۆی لە تۆڕی کۆمەڵایەتیی تویتەر، پەیامێکی بڵاوکردەوە.

لە پەیامەکەی سەرکۆماری عێراقدا ھاتووە: "پیرۆزبایی لە دایکبوونی حەزرەتی مەسیح لە کریستیانەکان دەکەم، بە ھیوای خۆشی و شادییان".

بەرھەم ساڵح راشیگەیاندووە "پەیامی حەزرەتی مەسیح بۆ خۆشەویستی و رێزی مرۆڤ ھەوێنی بەدیھینانی دادپەروەریی و لێبوردەییە".

سەرکۆماری عێراق جەختی لەوەشکردووەتەوە کە کریستیانەکان پێکھاتەی رەسەنی ئەم نیشتمانەن، و پێکەوە بەرگریی لە بەھاکانی ئاشتی و پێکەوەژیان و ئاوەدانی دەکەین.