سوپای عێراق دەستگیرکردنی شەش سووریایی راگەیاند

ھەولێر ــ AA

سوپای عێراق رایگەیاند کە شەش کەس دوای ئەوەی بەشێوەیەکی نایاسایی لە سووریاوە دزەیانکردبووە ناوی خاکی عێراق، دەستگیرکراون.

لەوبارەیەوە شانەی راگەیاندنی ئەمنی سەربە فەرماندەیی ئۆپەراسیۆنە ھاوبەشەکانی عێراق راگەیەنراوێکی بڵاویکردووەتەوە و تیایدا ھاتووە: "لە میانی بەردەوامی بەدواداچوون و چاودێریکردنی کامێرەکانی چاودێریی لەلایەن ھێزەکانی فیرقەی ١٥ لەسەر سنووری سووریا لە بنکەی جلبارات لە ناحیەی رەبێعە رۆژئاوای پارێزگای نەینەوا، دەزکردنی شەش کەس بە ئاراستەی خاکی وڵاتەکەمان لە ناوچەیەکی نێوان ھێزەکانمان و ھێزەکانی پێشمەرگە بەدی کراوە".

ئاماژەی بەوەیشداوە، شەش کەسەکە ھەڵگریی رەگەزنامەی سووریان و لەلایەن ھێزەکانی فیرقەی ١٥ دەستگیرکراون.

لە راگەیەندراوەکەدا ئەوەیش خراوەتەڕوو کە دەستگیرکراوەکان، رێوشوێنی یاسایی لەبەرامبەریان گیراوەتەبەر.