دادگایەکی عێراق سزای لەسێدارەدانی بۆ بکوژی چالاکوانێک دەرکرد

ھەولێر ــ AA

ئەنجوومەنی باڵای دادوەریی لە عێراق راگەیاند کە دادگای تاوانەکانی پارێزگای قادسییە، سزای لەسێدارەدانی بۆ بکوژی چالاکوان، سائر تەیب دەرکردووە.

ئەنجوومەنی باڵای دادوەریی لە عێراق لە راگەیەندراوێکدا ئاماژەی بەوەداوە کە دادگای تاوانەکانی قادسییە، بە تاوانی کوشتنی چالاکوانی شاری دیوانییە، سائر تەیب سزای لەسێدارەدانی بۆ ئەنجامدەری تاوانەکە (کیفاح کرێتی) دەرکردووە.

راشیگەیاندووە کە سزاکە، پشت بەستن بە ماددەی چواری تیرۆر دەرکراوە.

لە پێنجی ئەیلوولی ٢٠٢٢دا، کیفاح کرێتی بەتاوانی کوشتنی چالاکوان، سائر تەیب لەلایەن ھێزە ئەمنییەکانەوە دەستگیرکرابوو.

چالاکوانی شاری دیوانییە، سائر تەیب لە کانوونی دووەمی ٢٠١٩دا، لەلایەن ژمارەیەک چەکداری نەناسراوەوە کوژرا.