کۆميسیۆن دەستیکرد بە پڕۆسەی ئەژمارکردنی بە دەستی دەنگەکان

کەرکووک ــ AA

کۆميسیۆنی باڵای سەربەخۆی ھەڵبژاردنەکانی عێراق، پڕۆسەی ئەژمارکردن و جیاکردنەوەی بە دەستی دەنگەکانی ھەڵبژاردنی ئەنجوومەنی نوێنەرانی دەستپێکرد.

کۆميسیۆن بە ئامادەبوونی ئەو دادوەرانەی کە راسپێردراون بۆ بەڕێوەبردنی کاروباری ئەنجوومەنی کۆميسیاران و بەرپرسانی نووسینگەی کۆميسیۆن لە کەرکووک، پڕۆسەی ئەژمارکردن و جیاکردنەوەی بە دەستی دەنگەکانی ھەڵبژاردنی ئەنجوومەنی نوێنەران لە پارێزگای کەرکووک دەستپێکرد.

سەرچاوەیەک لە کۆميسیۆنی باڵای سەربەخۆی ھەڵبژاردنەکان بە ئاژانسی ئانادۆڵوی رایگەیاند کە پڕۆسەی ئەژمارکردن و جیاکردنەوەی بە دەستی دەنگەکان لە پارێزگای کەرکووک، ٥٠٠ سندوقی دەنگدان کە سکاڵایان لەسەر تۆمارکراوە، دەگرێتەوە".