کۆبوونەوەی سکرتێری گشتی نەتەوە یەکگرتووەکان و سەرۆکی هەرێم

ئێوارەی ئەمڕۆ پێنج شەممە سکرتێری گشتی نەتەوە یەکگرتووەکان، ئەنتۆنیۆ گۆتێرێس گەیشتە هەرێمی کوردستان و لە فڕۆکەخانەی نێودەوڵەتی ھەولێر لەلایەن سەرۆکی ھەرێمی کوردستان، مەسعود بارزانی و وەزیری ناوخۆ، کەریم شنگالی و بەرپرسی فەرمانگەی پەیوەندییەکانی دەرەوەی هەرێمی کوردستان، فەلاح مستەفا پێشوازیی لێکرا.

دوای گەیشتنی بە هەولێر، گۆتێرێس لەگەڵ بارزانی لە نووسینگەی سەرۆکوەزیرانی ھەرێمی کوردستان کۆبوویەوە.
بڕیارە گۆتێرێس، دوای کۆبوونەوەی لەگەڵ بەپرسەکانی ھەرێمی کوردستان، سەردانی کەمپەکانی ئاوارەکان بکات و لە نزیکەوە لە رەوش و ژیانی ئاوارەکان بکۆڵێتەوە.
گوتێریس، لە سەرەتای ٢٠١٧ەوە، وەک سکرتێری گشتی رێکخراوی نەتەوە یەکگرتووەکان دەستبەکاربوو، پێشتر سەرۆکوەزیرانی پۆرتوگال بووە، لە ساڵی ٢٠٠٥ەوە تاکو ٢٠١٥، واتا ماوەی ١٠ ساڵ کۆمیسیاری باڵای پەنابەران بووە لە نەتەوە یەکگرتووەکان.