پۆلیسی ئیسرائیل پەرژینە ئاسنینەکانی بەردەم مزگەوتی ئەقسای هەڵگرت

قودس- AA

پۆلیسی ئیسرائیل پەرژینە ئاسنینەکانی بەردەم مزگەوتی ئەقسای هەڵگرت.

لەدوای بڕیارەکەی شەوی رابردووی کابینەی ئاسایشی ئیسرائیل، پۆلیسی ئەو وڵاتە کە پێشتر ئامێرە ئەلیکترۆنییەکانی پشکنینی هەڵگرتبوو، پەرژینە ئاسنینەکانی بەردەم دەروازەکانی مزگەوتی ئەقسای هەڵگرت. دوای لابردنی ئەو پەرژینانەش، دانیشتوانی قودس کە لەبەردەم دەروازەی ئەسباتی مزگەوتەکەدا کۆببوونەوە، دەستیان بە دەربڕینی خۆشی کرد.

لای خۆیشییەوە گوتەبێژی راگەیاندنی وەقفی مزگەوتی ئەقسا، فیراس دیبس لە روونکردنەوەیەکی نووسراودا کە بۆ دەزگاکانی راگەیاندنی ناردووە، رایگەیاندووە ''سڵاو دەنێرین بۆ پێداگریی و گیانفیدایی گەلەکەمان. چۆنێتی هەنگاوی دوای ئەمە، تاوتوێ دەکەین و بڕیاری لەبارەوە دەدەین''.