نوێنەری تایبەتی ئۆباما لە سعوودیەیە

شازادە محەممەد بن سەلمان بن عەبدولعەزیز، جێنشینی دووەم و جێگری دووەمی سەرۆكوەزیران و وەزیری بەرگری سعوودیە لەگەڵ نوێنەری تایبەتی ئۆباما بۆ جەنگی بەرەنگاربوونەوەی داعش، برێت مەکگورک کۆبووەوە.

ئاژانسی هەوالیی سعوودیە بڵاوی کردەوە، کۆبوونەوەکە لە شاری ریاز پایتەختی سعوودیە بەڕێوەچوو و بەرپرسانی سعوودیە و باڵیۆزی ئەمریکا لە ریاز، جۆزێف دەبلیو وێستفاڵی ئامادەی بوو باس لە بەرەنگاربوونەوەی داعش و پێشهاتەکانی ناوچەکە کرا.

جێگەی ئاماژەیە عەرەبستانی سعوودیە بەشداری لە هاوپەیمانێتی نێودەوڵەتی بەرەنگاربوونەوەی داعش دەکات کە لەلایەن ئەمریکاوە رابەرایەتی دەکرێت.