مەسعود بارزانی پێشوازی لە سەرۆكی دەزگای ئاسایشی نیشتمانیی عێراق دەكات

هەولێر - AA

سەرۆكی پێشووی هەرێمی کوردستان، مەسعود بارزانی پێشوازی لە سەرۆكی دەزگای ئاسایشی نیشتمانیی عێراق، عەبدولغەنی ئەسەدی كرد.

بارەگای بارزانی بڵاویکردەوە، لە دیدارەكەدا پەیوەندی و هەماهەنگیی نێوان هەرێمی کوردستان و حكوومەتی فیدڕال و هەروەها هەڕەشەی تیرۆر و گرتنەبەری ڕێوشوێنی هاوبەش بۆ رووبەڕووبوونەوەی تیرۆریستان تاوتوێ كرا.

هەر لەو كۆبوونەوەیەدا هەردوولا بیروڕایان لەبارەی بارودۆخی شنگال ئاڵوگۆڕ كرد.