لێدوانی ئەمریکا سەبارەت بە قەتەر

واشنتۆن - AA

گوتەبێژی وەزارەتی دەرەوەی ئەمریکا هیسەر ناوەرت لە میانی کۆنگرەی رۆژنامەوانی ئاسایی خۆیدا باسی لەو ئابڵوقەیە کرد کە بەسەر قەتەردا سەپێنراوە.

ناوەرت ئاماژەی بەوەدا کە لە ٥ ی حوزەیرانەوە ئابڵوقە بەسەر قەتەردا سەپێنراوە و تائێستا سعوودیە و ئیمارات وردەکاری دەنگۆکانیان بۆ رای گشتی روون نەکردۆتەوە.

ناوەرت گوتی: "دووهەفتە لەمەوپێش دەستیان کرد بە ئابڵوقە. وڵاتانی کەنداو تائێستا دەنگۆکانیان لەبارەی قەتەرەوە بۆ رای گشتی ئاشکرا نەکردووە و ئەمەش مایەی سەرسوڕمانمانە. نیگەرانین لەمە. تادێت گومانەکان بەرامبەر سعوودیە و ئیمارات زیاد دەکەن، لەئێستادا رووبەڕووی پرسیارێکی سادە بووینەتەوە: ئایا ئەو هەنگاوانەی نراوە بە کردەوە دەرەنجامی پشتگیری قەتەرە لە تیرۆریزم، یان سەرچاوەکەی ئەو کێشانەیە کە ماوەیەکی زۆرە لەنێوان وڵاتانی کەنداودا هەیە؟"