سووریا.. هێزەكانی رژێم گەمارۆكەی سەر دێرازۆریان شكاند

دێرازۆر ــ AA

ئاژانسی هەواڵیی سانا سەربە رژێمی سووریا بڵاوی كردەوە كە هێزەكانی رژێم، گەمارۆكەی سەر پارێزگای دێرازۆر رۆژهەڵاتی ئەو وڵاتە شكاندووە كە ماوەی سێ‌ ساڵ بوو داعش بەسەریدا سەپاندبووی.

ئاژانسەكە بڵاوی کردووەتەوە كە نیوەڕۆی ئەمڕۆ سێشەممە، هێزەكانی سوپا گەیشتنە لای فەوجی ١٣٧ لە رۆژئاوای شاری دێرازۆر و توانیویانە ئەو گەمارۆیە بشكێنن كە ماوەی سێ‌ ساڵە داعش بەسەر شارەكەدا سەپاندوویەتی.

فەوجی ١٣٧ سەربە هێزەكانی رژێمی سووریا لە لایەن داعشەوە گەمارۆدراوبوو لەوكاتەی داعش گەمارۆی بەسەر دێرازۆر سەپاندبوو.