تەقینەوەیەك لە ئیسرائیل ژمارەیەك قوربانی لێكەوتەوە

ئیستانبوڵ ــ AA

میدیاكانی ئیسرائیل بڵاویان كردەوە كە تەقینەوەیەكی بەهێز لە فرۆشگایەكی بازرگانی لە باشووری شاری تەلئەبیب روویداوە کە بە هۆیەوە ژمارەیەك كوژراو و برینداری لێكەوتەوەتەوە و هەروەها فرۆشگاكەش رووخاوە.

میدیاكانی ئیسرائیل ئاماژەیان بەوەشداوە كە تیمەكانی بەرگری شارستانی ئیسرائیل رەوانەی شوێنی رووداوەكە كراون ئەو ئاگرەیان كۆنتڕۆڵ كردووە كە لە ئەنجامی تەقینەوەكە كەوتبووەوە، هەروەها قوربانییەكان گواسترانەوتەوە نەخۆشخانە.

ژمارەیەك لە میدیاكان باسیان لەوە كردووە كە لە ئاكامی تەقینەوەکە ژمارەیەك كەس كوژراون، بەڵام ژمارەیەك لە میدیاكان ئاماژەیان بەوەداوە كە رووداوەكە تەنها برینداری لێكەوتووەتەوە.

هاوكات ئەو سەرچاوانە بڵاویان كردووەتەوە كە پۆلیسی ئیسرائیل دەستیان كردووە بە لێكۆڵینەوە لە بارەی رووداوەكە و ئەویان دوورخستووەتەوە كە رووداوەكە لە ئاكامی كردەیەكی تیرۆریستی یان تەقینەوەیەكی تیرۆریستی بووبێت.