بەئامانجکردنی چالاکوانێکی خۆپیشاندانەکانی ناسرییە باشووری عێراق

ھەولێر ــ AA

چالاکوانێکی خۆپیشاندانەکانی ناسرییە سەنتەری پارێزگای زیقار باشووری عێراق بە ناوی ئەلیاس سەعدون لە ھەوڵێکی کوشتن رزگاری بوو.

لەمبارەیەوە چالاکوانی خۆپیشاندانەکانی ناسرییە، محەمەد سەعدی بە ئاژانسی ئانادۆڵوی راگەیاند درەنگانی شەوی رابردوو، ژمارەیەک چەکداری نەناسراو لە ناوەڕاستی شاری ناسرییە ھێرشیانکردووەتە سەر ئەلیاس سەعدون کە بەھۆیەوە ناوبراو برینداربوو.

محەمەد سەعدی ئاماژەی بەوەیشدا کە لەئێستادا، ئەلیاس سەعدون لە نەخۆشخانە چارەسەر وەردەگرێت و رەوشی تەندروستی جێگیرە.