ئەمريكا و چوار وڵاتى ئەورووپا سەركۆنەى هێرشەكەى سەر هەولێر-يان كرد

پاریس - AA

فەڕەنسا، ئەڵمانیا، بەریتانیا، ئیتاڵیا و ئەمریکا، بە توندی سەرکۆنەی ھێرشەکەی سەر فڕۆکەخانەی نێودەوڵەتی ھەولێر-یان کرد.

لەو راگەیەندراوە ھاوبەشەی کە لەلایەن گوتەبێژی وەزارەتی دەرەوەی ئەو وڵاتانەوە بڵاوکراوەتەوە، بە توندی سەرکۆنەی ھێرشەکەیان کردووە و رایانگەیاندووە کە پاڵپشتی بۆ ئەو لێکۆڵینەوەی کە حکوومەتی عێراق دەستیپێکردووە، دابیندەکەن.

لە راگەیەندراوەکەدا ھاتووە:

"بەیەک دەنگ دووپاتیدەکەینەوە کە لەو ھێرشانەی کە دەکرێتە سەر ئەمریکا و ھێزی ھاوپەیمانیی و دامەزراوەکانیان نابوورین و سووربوونی خۆمان لەسەر بەردەوامیدان بە بەرنگاربوونەوەی داعش نوێدەکەینەوە".