سياسەت, عێراق

ئاڵای حەشدی شەعبی لەسەر بارەگای لقی پارتی دیموکراتی کوردستان لە بەغدا هەڵکرا

بەرپرسی لقی پێنجی پارتی دیموکراتی کوردستان لە بەغدا شوان محەمەد تەها دەڵێت، سووتاندنی بارەگای حزبەکەیان جێگەی قبووڵکردن نییە و سکاڵا لەسەر حکوومەتی فیدڕاڵی تۆمار دەکەن.

Heman Hussein Yaseen  | 17.10.2020 - نوێکردنەوە : 18.10.2020
ئاڵای حەشدی شەعبی لەسەر بارەگای لقی پارتی دیموکراتی کوردستان لە بەغدا هەڵکرا

Arbil

هەولێر - AA

بەرپرسی لقی پێنجی پارتی دیموکراتی کوردستان لە بەغدا شوان محەمەد تەها دەڵێت، سووتاندنی بارەگای حزبەکەیان جێگەی قبووڵکردن نییە و سکاڵا لەسەر حکوومەتی فیدڕاڵی تۆمار دەکەن.

بەیانی ئەمڕۆ شەممە بەمەبەستی دەربڕینی ناڕەزایی بەرامبەر بە لێدوانێکی ئەندامی مەکتەبی سیاسی پارتی دیموکراتی کوردستان، ھۆشیار زێباری لەبارەی حەشدی شەعبییەوە، لایەنگرانی حەشدی شەعبی لە نزیک لقی پێنجی پارتی دیموکراتی کوردستان لە ناوەڕاستی بەغدای پایتەختی عێراق خۆپیشاندانیان سازکرد، دوای سووتاندنی ئاڵای کوردستان و وێنەی هۆشیار زێباری، ھەڵیانکوتایە سەر بارەگاکە و سووتاندیان و ئاڵای حەشدی شەعبییان لەسەر بارەگاکە بەرکردەوە.

لەمبارەیەوە، بەرپرسی لقی پێنجی پارتی دیموکراتی کوردستان لە بەغدا شوان محەمەد تەھا لە لێدوانێکدا بۆ ئاژانسی ئانادۆڵو گوتی: "پێش دوو رۆژ پەیوەندیمان بە سەرۆکوەزیرانی عێراق و فەرماندەی ئۆپەراسیۆنەکانی بەغدا کردووە و، دوێنێش ھێزێکیان ناردبوو کە پێیان دەگوترێت ھێزی بەرەنگاربوونەوەی ئاژاوەگێڕی و ئەو ھێزە لە دەوروبەری لقی پێنج جێگری کران، بەڵام ئەمڕۆ بەیانی ھیچ بەرپەرچدانەوەیەکیان بەرامبەر ھێرشبەران و گێرەشێوێنان نەبوو و، دەرگایان بۆ کردنەوە و بە شێوەیەکی زۆر ئاسان و بە لێشاو رژانە سەر بارەگای لقی پێنج و سووتاندیان".

بەرپرسی لقی پێنجی پارتی دیموکراتی کوردستان لە بەغدا شوان محەمەد تەھا ئەوەیشی خستەڕوو کە پێشتر ئامادەکاری خۆیان کردبوو بۆ ھەر ئەگەرێک و گوتیشی: "ئێمە پێشتر ئامادەکاری خۆمان کردبوو لە ھەڕەشەکە و دەمانزانی گێرەشێوێنان نیازیان چییە و بۆ چ مەبەستێک دێن".

شوان محەمەد تەها گوتیشی: "سکاڵا لەسەر حکوومەتی فیدڕاڵی تۆمار دەکەین".


بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın