ژمارەی کوژراوانی تەقینەوەکەی پاکستان بۆ ٧٠ کەس بەرزبۆوە

لە ئاکامی کردەیەکی خۆکوژی لە هەرێمی سیند-ی باشووری پاکستان لایەنی کەم ٧٠ کەس گیانیان لەدەست دا و ١٥٠ی دیکەش بریندار بوون.

بەگوێرەی ئەو زانیاریانەی لە سەرچاوەکانی ئەمنی ناوچەکە وەرگیراون، تەقینەوەکە لە مەزاری زانایەکی ئاینی لە شاری سەهڤان ئەنجام درا کە بە سەدان کەس لەو کاتەدا بۆ سەردانی کردنی مەزارەکە لە ناوچەکە بوون.

لە تەقینەوەکەش لایەنی کەم ٧٠ کەس گیانیان لەدەست دا و بە ١٥٠ی بریندار بوون.

راگەیندرا لەنێو کوژراوان ٤ منداڵ و ١٢ ئافرەت بەدیدەکرێن.

هاوکات ریکخراوی تیرۆرستی داعش بەرپرسیاریەتی تەقینەوەکەی لەئەستۆ گرت.

لەلایەکی دیکەش سەرۆکوەزیرانی پاکستان نەواز شەریف و وەزیری ناوخۆی ئەو وڵاتە چۆدری نیسار عەلیخان ئیدانەی تەقینەوەکەیان کرد.