ژمارەی قوربانیانی بوومەلەرزەکەی ئیندۆنێزیا گەیشتە ٥٦٣ کەس

ئەنقەرە - AA

ژمارەی ئەو کەسانەی لە ئاکامی ئەو بوومەلەرزەیەی کە لە دوو ھەفتەی رابردوودا، دوورگەی لۆمبۆک رۆژھەڵاتی ئیندۆنێزیای ھەژاندبوو، گیانیان لەدەستداوە، بۆ ٥٦٣ کەس بەرزبووەوە.

بەرپرسێکی باڵای وەزارەتی کاروباری کۆمەڵایەتی و ئاسایشی ئیندۆنێزیا ، ھاری حیکمەت رایگەیاند کە ژمارەی ئەو کەسانەی لە ئاکامی ئەو بوومەلەرزەیەی کە لە دوو ھەفتەی رابردوودا، دوورگەی لۆمبۆک رۆژھەڵاتی ئیندۆنێزیای ھەژاندبوو، گیانیان لەدەستداوە، بۆ ٥٦٣ کەس بەرزبووەوە.

راشیگەیاند کە زیاتر لە حەوت ھەزار کەس بەھۆی بومەلەرزەکەوە برینداربوون.

لە ٥-ی ئابی رابردوو، بومەلەرزەیەک بە گوڕی ٧ پلەی رێختەر و لە دوای ئەمەش دوو بومەلەرزەی دیکە بە گوڕی ٦،٣ و ٦،٩ پلەی رێختەر یەک بە دوای یەک ئەو دوورگەیەيان هەژاند.

کارەکانی گەڕان و رزگارکردن تاکو ئێستا بەردەوامە و لایەنەکان نیگەرانن لە بەرزبوونەوەی ژمارەی قوربانیان.