هۆنگ کۆنگ - AA

ژمارەی ئەو کەسانەی لە ئاگرەکەی کۆمەڵگەیەکی نیشتەجێبوون کە لە هەشت باڵەخانە پێکهاتبوو لە ناوچەی تای پۆ لە هەرێمی خۆبەڕێوەبەری هۆنگ کۆنگی چین گیانیان لەدەستداوە، بۆ ٩٤ کەس بەرز بووەتەوە.

ئاگرکوژێنەوەی هۆنگ کۆنگ، لە ڕاگەیاندراوێکیدا ئاماژە بەوە کرد کە تا ئێستا ٩٤ کەس لەنێویشیاندا کارمەندێکی ئاگرکوژێنەوە گیانیان لەدەستداوە و، ٧٦ کەسیش برینداربوون کە ١١یان کارمەندی ئاگرکوژێنەوەن.

هەڵمەتی کوژاندنەوەی ئاگرەکە لە کۆمەڵگەکەدا کە بە مەزەندە دەکرێت نزیکەی چوار هەزار کەسی تێدا نیشتەجێ بێت، نزیکەی ٤٠ کاتژمێر زیاترە بەردەوامە.

تیمەکانی ئاگرکوژێنەوە کە بەردەوامن لە کارەکانی ڕزگارکردن، هێشتا نەگەیشتوونەتە ٢٥ لەو بانگەوازانەی بە هاناوەچوون کە لە کۆمەڵگەکەوە پێیان گەیشتووە.

نیوەڕۆی ٢٦ی تشرینی دووەم، لە کۆمەڵگەی نیشتەجێبوونی وانگ فۆک لە قەزای تای پۆ کە زیاتر لە هەزار و ٩٠٠ یەکەی نیشتەجێبوونی تێدایە، ئاگر سەریهەڵدا و، بەهۆی گڕگرتنی ئەو ئەسکەلانەی لە دیوی دەرەوەی بیناکان دانرابوون بۆ نۆژەنکردنەوەیان ئاگرەکە بە خێرایی تەشەنەی سەند و، لەگەڵ گڕگرتنی ئەو ماددانەی بۆ عەزلی بیناکان دانرابوون ئاگرەکە زیاتر تەشەنەی سەند و بڵاوبوویەوە.