پەیامی پیرۆزبایی وەزیری ھەرێم بۆ کاروباری پێکھاتەکان بەبۆنەی جەژنى قیامە

ھەولێر - AA

وەزیری ھەرێم بۆ کاروباری پێکھاتەکان ئایدن مەعروف بەبۆنەی ھاتنەوەی جەژنی قیامە پەیامێکی پیرۆزبای بڵاوکردەوە.

لە پەیامەکەی وەزیری ھەرێم بۆ کاروباری پێکھاتەکان ئایدن مەعروف - دا ھاتووە: "بەبۆنەی ھاتنەوەی جەژنی قیامە، پیرۆزباییەکی گەرم لە سەرجەم خوشک و برایانی مەسیحی لە ھەرێمی کوردستان و عێراق و ھەموو جیھان دەکەین"

ھەروەھا وەزیری ھەرێم بۆ کاروباری پێکھاتەکان دەلێت: "ئاواتەخوازین ئەو جەژنەتان بەوپەڕی بەختەوەریی و ئارامیی و ئاسوودەیی بەسەرببەن وھیوادارین ئەو جەژنە ببێتە زیاترکردنی ھەوێنی لێبووردەیی و تەبایی و پێکەوەژیانی زیاتری نێوان پێکھاتەکان، ھەموو ڕۆژێکتان جەژن و خۆشی بێت، جەژنی قیامەتان پیرۆزبێت".