پەیامی پیرۆزبایی مەسرور بارزانی بۆ ھەردوو شاری سلێمانی و سنە

ھەولێر - AA

سەرۆکی حکومەتی ھەرێمی کوردستان مەسرور بارزانی پیرۆزبایی لە رووناکبیر، داھێنەر و دانیشتووانی سلێمانی و سنە بەبۆنەی دەستنیشانکردنیان وەک دوو شاری داھێنەر دەکات.

بە پێی ھەوالێکی نووسینگەی راگەیاندنی سەرۆکی حکوومەتی ھەرێمی کوردستان بە بۆنەی دەستنیشانکردنیان وەک دوو شاری داھێنەر لە ئەدەب و میوزیک لە لایەن رێکخراوی یۆنسکۆوە، پیرۆزباییەکی گەرم لە رووناکبیر و داھێنەر و دانیشتووانی ھەردوو شاری خۆشەویستی سلێمانی و سنە و پارێزگارەکانیان دەکەم .

لە پەیامەکەدا ھاتووە ھیوادارم ئەم دەسکەوتە ببێتە ھاندەرێک بۆ پەرەپێدانی زیاتر بە بواری ئەدەب و ھونەر و بزووتنەوەی رۆشنبیریی لە ھەرێمی کوردستان.

لەلایەن رێکخراوی یونیسکۆ، شارەکانی سلێمانی و سنە ، لە ریزی ٦٦ شاری داھێنەر لەسەر ئاستی جیھان دەستنیشان کران.

بە گوێرەی راگەیەندراوێکی یونسکۆ، شاری سلێمانی بۆ داھێنان لە بواری ئەدەب و شاری سنە لە بواری میوزیک وەکو دوو شاری داھێنەر دەستنیشان کراون.