پۆليسى ئيسرائيل هێرشى كردە سەر گەنجانی فەڵەستينی لە مزگەوتى ئەقسا

پۆليسى ئيسرائيل له‌رێگه‌ی بۆمبی ده‌نگییه‌وه‌ هێرشى كردە سەر گەنجه‌ فەڵەستينییه‌كان له‌ مزگەوتى ئەقسا لە خۆرهه‌ڵاتی قودسی داگیرکراو و بە هۆیەوە ١٥ کەس بریندار بوون.

له‌دوای ئه‌نجامدانی نوێژی خه‌وتنان و ته‌راویح له‌ حه‌ره‌می پیرۆز له‌ خۆرهه‌ڵاتی قودس، گه‌نجه‌ فه‌ڵه‌ستینییه‌كان له‌نێوان مزگه‌وتی قیبله‌ و قوبه‌تول سه‌خرا گردبوونه‌وه‌.

دوای ماوه‌یه‌ك له‌ گوتنه‌وه‌ی ته‌كبیر و درووشم له‌لایه‌ن گه‌نجه‌كانه‌وه‌، پۆلیسی ئیسرائیل له‌رێگه‌ی بۆمبی ده‌نگییه‌وه‌ هێرشی كرده‌ سه‌ریان.

له‌به‌رامبه‌ردا گه‌نجه‌كان به‌ به‌رد و یاری ئاگرین وه‌ڵامیان دایه‌وه‌.

هێزه‌كانی پۆلیسی ئیسرائیل له‌ حه‌وشه‌كانی حه‌ره‌می پیرۆز گه‌نجه‌ فه‌ڵه‌ستینییه‌كانیان راونا و بەهۆیەوە ١٥ فەڵەستینی بریندار بوون.