هۆشداریی نه‌ته‌وه‌یه‌كگرتووه‌كان له‌باره‌ی دۆخی نێوان فه‌ڵه‌ستین و ئیسرائیل

نه‌ته‌وه‌یه‌كگرتووه‌كان - AA

هه‌ماهه‌نگیكاری تایبه‌تیی پێواژووی ئاشتیی له‌ خۆرهه‌ڵاتی ناوه‌ڕاست سه‌ربه‌ نه‌ته‌وه‌یه‌كگرتووه‌كان، تۆر وێنسلاند، هۆشداریی ئه‌وه‌ی دا كه‌ ئیسرائیل و فه‌ڵه‌ستین به‌ره‌و جه‌نگێكی ته‌واوه‌تی په‌لكێش ده‌بن.

تۆر وێنسلاند له‌ هه‌ژماری خۆی له‌ تۆڕی كۆمه‌ڵایه‌تی تویته‌ر نووسیویه‌تی: "هه‌رچی زووه‌ ئه‌و ئاگره‌ بكوژێننه‌وه‌، به‌ره‌و جه‌نگێكی ته‌واوه‌تی په‌لكێش ده‌بین".

وێنسلاند جه‌ختی له‌وه‌كردووه‌ته‌وه‌ كه‌ سه‌رجه‌م لایه‌نه‌كان به‌رپرسیارێتیی به‌رپرسیارێتیی كه‌مكردنه‌وه‌ی گرژییه‌كانیان له‌ ئه‌ستۆدایه‌ و رایگه‌یاندووه‌: "باجی ئه‌و جه‌نگه‌ی كه‌ له‌ غه‌ززه‌ به‌ره‌و وێرانكاریی ده‌چێت، خه‌ڵك ده‌یدات".