هێرشێکی ئاسمانیی بۆ سەر غەززە دوو کوژراوی لێکەوتەوە

غەززە- AA

لەئەنجامی هێرشێکی ئاسمانیی سوپای ئیسرائیل بۆ سەر ناوچەی رەفەح لە کەرتی غەززە، دوو کەس کوژران و پێنجی دیکە بریندار بوون.

گوتەبێژی وەزارەتی تەندروستی غەززە، ئەشرەف ئەلقودرە، لە روونکردنەوەیەکی نووسراودا، ئاماژەی بەوەکردووە لەئەنجامی هێرشێکی سوپای ئیسرائیل بۆ سەر ناوچەی رەفەح لە کەرتی غەززە، دوو هاووڵاتیی فەڵەستینی کوژراون و پێنجی دیکە برینداربوون.

هاوکات شایەتحاڵەکان باس لەوە دەکەن کە ئامانجی هێرشە ئاسمانییەکەی سوپای ئیسرائیل تونێلێک بووە کە دەکەوێتە نێوان غەززە و میسرەوە.