نێچیرڤان بارزانی و ڕاوێژکاری ئاسایشی نەتەوەیی بەریتانیا پەرەسەندنە ئەمنییەکانی ناوچەکەیان تاوتوێ کرد
سەرۆکی ھەرێمی کوردستان، نێچیرڤان بارزانی و ڕاوێژکاری ئاسایشی نەتەوەییی بەریتانیا، جۆناسان پاوڵ دوایین پەرەسەندنە ئەمنی و سیاسییەکانی عێراق و ناوچەکە، ھەروەھا ھەڕەشەکانی تیرۆریان تاوتوێ کرد.
Arbil
ھەولێر ــ AA
سەرۆکی ھەرێمی کوردستان، نێچیرڤان بارزانی و ڕاوێژکاری ئاسایشی نەتەوەییی بەریتانیا، جۆناسان پاوڵ دوایین پەرەسەندنە ئەمنی و سیاسییەکانی عێراق و ناوچەکە، ھەروەھا ھەڕەشەکانی تیرۆریان تاوتوێ کرد.
سەرۆکایەتی ھەرێم لە ڕاگەیاندراوێکدا ئاماژەی بەوەداوە کە نێچیرڤان بارزانی لە پەراوێزی دیدارەکانی لە کۆنفرانسی ئاسایشی میونشن لە ئەڵمانیا لەگەڵ ڕاوێژکاری ئاسایشی نەتەوەییی بەریتانیا، جۆناسان پاوڵ کۆبووەتەوە.
ڕاشیگەیاندووە کە لە کۆبوونەوەکەدا، دوایین پەرەسەندنە ئەمنی و سیاسییەکانی عێراق و ناوچەکە و ھەڕەشەکانی تیرۆر خراونەتە بەر باس، ھەروەھا ھەردوولا جەختیان کردووەتەوە لە گرنگی بەردەوامی ھەماھەنگی نێوان عێراق و ھەرێم لەگەڵ بەریتانیا بۆ ڕووبەڕووبوونەوەی مەترسییەکانی تیرۆر و پاراستنی سەقامگیری.
باسی لەوەش کردووە کە جۆناسان پاوڵ لە کۆبوونەوەکەدا، پابەندیی وڵاتەکەی بۆ بەردەوامی پشتگیریکردنی عێراق و ھەرێمی کوردستان دووپات کردووەتەوە، ھەروەھا ستایشی ڕۆڵی ھەرێمی کوردستانی کردووە لە پاراستنی ئارامی و سەقامگیریی ناوچەکە.
