ئەنقەرە - AA

نێردەی تایبەتی ئەمریکا بۆ کاروباری سووریا و باڵیۆزی ئەو وڵاتە لە ئەنقەرە، تۆم باراک سەبارەت بە شەڕ و پێکدادانەکانی ئەم دواییەی سووریا ڕایگەیاند: "داوا لە هەموو لایەنەکان دەکەین هێمنی بپارێزن و بەبێ ڕژانی خوێن لە ڕێگای گفتوگۆوە کێشەکان چارەسەر بکەن. سووریا شایەنی سەقامگیرییە. سوورییەکان شایەنی ئاشتیین".

لە هەژماری خۆی لە لە تۆڕی کۆمەڵایەتی ئێکس، باراک ڕاگەیاندراوێکی سەبارەت بە شەڕ و پێکدادانەکانی دوێنێی شاری سوەیدای سووریا و قەزای منبج لە باکووری ڕۆژهەڵاتی حەلەب بڵاوکردەوە.

باراک ئاماژەی بەوە کرد کە دوێنێ لە سوەیدا و منبج شەڕ و پێکدادان ڕوویداوە و، ڕایگەیاند: "دیپلۆماسی باشترین ڕێگایە بۆ ڕاگرتنی توندوتیژیی و دەستەبەرکردنی چارەسەرێکی ئاشتییانە و بەردەوام".

ڕاشیگەیاند: "ئەمریکا شانازی دەکات بە نێوەندگیری بۆ دەستەبەرکردنی چارەسەرێک لە سوەیدا و، شانازی دەکات کە لەگەڵ فەرەنسا بەشدارییان لە نێوەندگیری هاوبەشدا کردووە بۆ ئەوەی باکووری ڕۆژهەڵات دووبارە یەکبخرێتەوە لەگەڵ سووریای یەکگرتوودا. ڕێگای داهاتوو، ڕێگای سوورییەکانە. داوا لە هەموو لایەنەکان دەکەین هێمنی بپارێزن و لە ڕێگای گفتوگۆ و بەبێ ڕژانی خوێن کێشەکان چارەسەر بکەن. سووریا شایەنی سەقامگیرییە. سوورییەکان شایەنی ئاشتیین".