نیویۆرک.. بە ئۆتۆمبێل ھێرش دەکرێتە سەر خەڵک

لە شەقامی تایمز سکوێر لە نیویۆرک ئۆتۆمبێلێک ژمارەیەک خەڵک دەکاتە ئامانج و بەگوێرەی زانیارییە سەرەتاییەکان، ھاووڵاتییەک گیانی لەدەستدا و ١٢ی دیکەش بریندار بوون.

ئاماژە بەوە دەکرێت رووداوەکە بەھۆی ئەگەری رووداوی ھاتوچۆ لە ٤٥مین کۆڵان و شەقامی برۆدوای بووبێت.

دوای رووداوەکە ژمارەیەکی زۆر لە ئامبولانس گەیشتنە شوێنی رووداوەکە و کارمەندانی تەندروستیش چارەسەری سەرەتاییان بۆ برینداران کرد.

ھێزەکانی پۆلیس دەستیان بە لێکۆڵینەوە کرد و ھەندێک لە کۆڵانەکانی نزیک لە شوێنی رووداوەکەش بە رووی ھاتوچۆدا داخرا.