لە شاری كەركووك یەكەم نوێژی تەراویح بەجێهێنرا

كەركووك - AA

لە شاری كەركووك یەكەم نوێژی تەراویح بەجێهێنرا.

كەركووكییەكان بەلێشاو روویان لە مزگەوتەكان كرد و بەزمانی كوردی، عەرەبی و توركی نزایان كرد مانگی رەمەزان ئارامی و سەقامگیری بۆ وڵات بهێنێت.

پێشنوێژ و وتارخوێنی مزگەوتی گەورەی نوری گەڕەكی رێگای بەغدا لە كەركووك، ئەحمەد خورشید لە لێدوانێكیدا بۆ پەیامنێری ئانادۆڵو گوتی: "ئارامی و ئاسایشمان بۆ وڵاتەكەمان لە هەموو شتێك زیاتر دەوێت".

ئەحمەد خورشید جەختیكردەوە كە عێراق پێویستی بە ئارامی و ئاسایش هەیە و ئومێدی خواست كە برایەتی و پێكەوە گونجان زیاتر گەشە بكات لە شارەكەدا.