ئیستانبوڵ ــ AA

لە ئاکامی زنجیرەیەک ھێرشی ئاسمانی سوپای ئیسرائیلدا بۆ سەر ژمارەیەک ناوچەی باشووری لوبنان، ١٥ کەس کوژران و ١٠ی دیکەیش برینداربوون.

بەرەبەیانی ئەمڕۆ یەکشەممە، فڕۆکە جەنگییەکانمی ئیسرائیل زنجیرەیەک ھێرشیان کردووە ژمارەیەک ناوچەی باشووری لوبنان.

وەزارەتی تەندروستی لوبنان لە ڕاگەیاندراوێکدا ئاماژەی بەوەداوە لە ئاکامی ھێرشەکاندا، ١٥ کەس کوژراون و ١٠ی دیکەیش برینداربوون.

ھاوکات لەگەڵ ھێرشە ئاسمانییەکان، تۆپخانەکانی ئیسرائیل بە چڕی دۆڵی سەلوقی و دەوروبەری شارۆچکەکانی قەبریخا و تولین باشووری لوبنانیان بۆردومان کرد، بەڵام تا ئێستا زیانەکانیان نەزاندراوە.