Ömer Tuğrul Çam
13 تشرینی دووەم 2020•نوێکردنەوە: 16 تشرینی دووەم 2020
برۆکسل - AA
نوێنەری باڵای یەکێتیی ئەورووپا لە سیاسەتی دەرەکی و کاروباری ئاسایش، جۆزێپ بۆرێل لەبارەی پەیوەندییەکانیان لەگەڵ ئەمریکا، رایگەیاند کە ئیتر لە قۆناغی نوێدا دەیانەوێت پەیوەندی ھاوبەش دروست بکەن.
بۆرێل لە میانی دانیشتنێکدا کە لە چوارچێوەی کۆڕبەندی ئاشتی پاریس رێکخرابوو، وەڵامی پرسیاری پەیوەندیدار بە داھاتووی پەیوەندی نێوان ئەمریکا و یەکێتی ئەورووپا لە دوای ھەڵبژاردنی جۆ بایدن وەک سەرۆکی ئەمریکا کرد.
بۆرێل ئاماژەی بەوەشدا کە لە قۆناغی نوێدا دەیانەوێت پەیوەندییەکان "لە چوارچێوەی دامەزراوەیی" بەھێز بکەن و ئەمەش لە ساڵی ١٩٩٥وە دیاریکراوە.
بۆرێل گوتیشی: "ھەردوو لایەنەکان ئەندامی ناتۆن و ئەوەندە بەس نییە بڵێن کە بەشێکە لە خانەوادەی رۆژئاوا. بەدەر لە پەیوەندی بوون بە یەک خانەوادە دەمانەوێت ھاوبەش بین. لە نێوان خانەوادەکاندا ھەمیشە یەک کەس سەرکردایەتی دەکات و ئەوانی دیکە لە دوای دێن. ئێمە ھاوبەشییەکمان دەوێت کە ئەرک و بەرپرسیارێتی ھەردوو لایەن جیاواز بێت".
بۆرێل ئاشکراشی کرد کە دەیانەوێت پەیوەستەیی ئەورووپا بە ئەمریکا کەم بکەنەوە و پەیوندییەکی بنیاتنەر بخەنەڕوو.
