بەغدا ــ AA

حكوومەتی عێراق رایگەیاند کە ٦٤ منداڵی چەکدارانی سەربە رێكخراوی داعش كە هەڵگری رەگەنامەی ئۆزبەكستان-ن گەڕاندووەتەوە وڵاتەكەیان.

سەرچاوەیەك لە وەزارەتی دەرەوەی عێراق كە نەیویست ناوی ئاشكرا بكرێت بە ئاژانسی ئانادۆڵوی راگەیاند کە شەوی رابردوو بە هەماهەنگی لەگەڵ وەزارەتی دەرەوەی ئۆزبەكستان و رێكخراوی یونیسێف، ئەو ٦٤ منداڵە کە هەڵگری رەگەزنامەی ئۆزبەكستان-ن گەڕاندراونەتەوە بۆ وڵاتەكەیان.

سەرچاوەكە ئاماژەی بەوەیشكرد كە دایك و باوكی زۆربەی ئەو منداڵانە بەتۆمەتی ئەندامبوونیان لە رێكخراوی داعش و شەڕكردن دژبە هێزە عێراقییەكان سزادراون و لە گرتووخانەكانی عێراقدا زیندانیكراون.

بەگوتەی سەرچاوەكە، حكوومەتی عێراق لە پەیوەندیدایە لەگەڵ ئەو وڵاتانەی كە دەیانەوێت منداڵەكانی سەربە داعش بگەڕێننەوە بۆ وڵاتەكەیان.

لای خۆیەوە حكوومەتی ئۆزبەكستان وەرگرتنەوەی ئەو ٦٤ منداڵەی چەکدارانی سەربە رێكخراوی داعش پشتڕاستكردەوە و رایگەیاند کە ئەو منداڵانە رووبەڕووی كێشەی زۆر بوونەتەوە دوای ئەوەی خێزانەكانیان رێگەی هەڵەیان هەڵبژاردووە كاتێك چوونەتە نێو رێكخراوەكەوە.