عێراق داوای ھەشت ملیۆن دۆز ڤاكسینی کۆرۆنای لە بەریتانیا کردووە

ھەولێر - AA

باڵیۆزی بەریتانیا لە به‌غدا، ستیفن ھیکی ئاشكرایكرد، عێراق داوای ھەشت ملیۆن دۆز ڤاكسینی دژی کۆرۆنای لە وڵاته‌كه‌ی کردووە.

ستیفن ھیکی لە لێدوانێکیدا بۆ ئاژانسی ھەواڵی عێراقییەی فەرمی رایگەیاند: "حکوومەتی عێراقی داوای ھەشت ملیۆن دۆز ڤاكسینی دژی کۆرۆنای کۆمپانیای ئاسترازینیکا-ی کردووە".

ھیکی گوتیشی: "بەریتانیا زۆر خۆشحاڵە بە ھەماھەنگییكردن لەگەڵ عێراق لە بواری تەندروستییدا. ڤاكسینی ئاسترازینیکا نرخەکەی گونجاوە و دەرفەتی کوتان بە ھەموو کەسێک ده‌ڕه‌خسێنێت. بەشێکی ئەم ڤاکسینە لە ماوەیەکی نزیکدا بۆ عێراق جیادەکرێتەوە".

باڵیۆزی بەریتانیا له‌ به‌غدا راشیگەیاند کە لە نزیکترین کاتدا ئەو بڕە ڤاکسینە دەگاتە عێراق.