سوەیدا - AA

بەهۆی شەڕ و پێکدادانی نێوان چەند گرووپێکی چەکداری دروزی و عەرەبە بەدەوییەکان لە باشووری سووریا کە ١٣ی تەمووز سەریهەڵدا و ماوەی شەش ڕۆژە بەردەوامە و، هێزە ئەمنییەکانی سووریا و ئیسرائیل بەشداریان تێدا کرد، هاووڵاتیانی مەدەنی ناوچەکە ڕووبەڕووی قەیرانی مرۆیی بوونەتەوە.

بەهۆی زیان گەیاندن بە هێڵەکانی کارەبا لە میانی شەڕ و پێکدادانەکاندا، ناوچەکە بە شێوەیەکی گشتیی بێ کارەبا بووە.

نەبوونی کارەبا ترومپاکانی ئاوی لەکارخستووە، بەو هۆیەشەوە خەڵک ناتوانن ئاوی بیرەکان بەکاربهێنن.

بەهۆی شەڕ و پێکدادانەکانەوە مارکێت و نانەواخانەکان داخراون و، هێشتا نەتوانراوە بکرێنەوە.

ڕاوەستانی بەرهەمهێنانی نان، دابینکردنی پێداویستییە بنەڕەتییەکانی خۆراکی خەڵکی سەخت کردووە، هاوکات لە ناوچەکەدا ئارد دەست ناکەوێت.

هەروەها بەهۆی پچڕانی کارەبا و کێشەی ئەمنییەوە، دامەزراوە تەندروستییەکانی سوەیدا ناتوانن خزمەتگوزاری پێشکەش بکەن.