قودس - AA

سەرەڕای ئەو ئاستەنگ و ڕێگرییانەی ئیسرائیل دروستی کردوون، نزیکەی ٨٠ هەزار فەڵەستینی یەکەم نوێژی هەینی مانگی ڕەمەزانیان لە مزگەوتی ئەقسا ئەنجام دا.

کاتەکانی بەیانی زوو، دەیان هەزار فەڵەستینی بە خاڵەکانی کۆنترۆڵی سەربازییدا لە کەرتی ڕۆژئاوا و قودسدا تێپەڕبوون و ڕێگای مزگەوتی ئەقسایان گرتەبەر.

دوای بڕینی ڕێگایەکی چەند کاتژمێری، پاشان فەڵەستینییەکان بەپێ ڕێیان بڕی و گەیشتنە مزگەوتی ئەقسا و، یەکەم نوێژی هەینی مانگی ڕەمەزانیان تێدا ئەنجام دا.

بەپێی راگەیاندراوێکی فەرمانگەی وەقفە ئیسلامییەکانی قودس، ٨٠ هەزار فەڵەستینی بەشداریان لە یەکەم نوێژی هەینی مانگی ڕەمەزاندا کردووە لە مزگەوتی ئەقسا.

لە پاش ئەنجامدانی نوێژی هەینی، نوێژخوێنان نوێژی مردوویان بە غیابی لەسەر ئەو کەسانە کرد کە لە هێرشەکانی ئیسرائیلدا کە کەرتی غەززە و کەرتی ڕۆژئاوا کوژراون.