سەرۆکوەزیرانی عێراق گەیشتە بەریتانیا

هەولێر - AA

سەرۆکوەزیرانی عێراق، مستەفا کازمی بە مەبەستی ئەنجامدانی زنجیرەیەک دیدار و کۆبوونەوە، بە سەردانێکی فەرمی گەیشتە لەندەن پایتەختی بەریتانیا.

کازمی لە سێیەم ویستگەی گەشتەکەیدا بۆ ئەورووپا و دوای سەردانی بۆ هەریەک لە فەڕەنسا و ئەڵمانیا، ئێوارەی ئەمڕۆ سێشەممە گەیشتە لەندەن.

رۆژی یەکشەممەی رابردوو، مستەفا كازمی بەسەرۆكایەتی شاندێكی باڵای حکوومی بەغدای پایتەختی جێهێشت و بەرەو پاریس پایتەختی فەڕەنسا بەرێكەوت ئەوەیش لە چوارچێوەی گەشتێكدا بۆ هەریەک لە فەڕەنسا و ئەڵمانیا و بەریتانیا.

بەپێی راگەیەندراوێکی نووسینگەی سەرۆکوەزیرانی عێراق، شاندێكی حكوومەتی عێراق كە ژمارەیەك وەزیر و سەرۆكی دەستەكانی سەربەخۆ لەخۆدەگرێت یاوەری سەرۆكوەزیرانی عێراق، مستەفا كازمی دەكەن لە سەردانەكەی بۆ فەڕەنسا، ئەڵمانیا و بەریتانیا.