باکو ــ AA

سەرکۆماری ئازەربایجان ، ئیلھام عەلیێڤ لە باکو پێشوازی کرد لە وەزیری دەرەوەی ئیسرائیل، جەدعون ساعر.

سەرۆکایەتی کۆماریی ئازەربایجان لە ڕاگەیاندراوێکدا ئاماژەی بەوەداوە کە لە دیدارەکەدا، پەیوەندییەکانی نێوان ھەردوولا تاوتوێ کراون.

ڕاشیگەیاندووە کە لە میانی دیدارەکەدا، جەختکراوەتە لەسەر ئەوەی کە پێشڤەچوون لە پەیوەندییەکانی ئازەربایجان و ئیسرائیل لە بوارە جیاجیاکاندا بەدیھاتووە.

باسی لەوەشکردووە کە ھەر لە میانی دیدارەکەدا، دەرفەتەکانی ھاوکاریی نێوان ھەردوولا لە بوارەکانی کشتوکاڵ، بەڕێوەبردنی سەرچاوەکانی ئاو، تەکنەلۆژیای پێشکەوتوو و ژێری دەستکرد تاوتوێ کراوە.